- 140 -

1345. Dez. 20. Liegnitz.

Herzog Ludwig bestätigt den Liegnitzern ihre Privilegien.

In nomine domini amen. Tunc bene agitur, dum per principes circa subditorum suorum commoda pro communis boni vtilitate omnia provide disponuntur. Eapropter nos Ludwicus dei gracia dux Slezie et dominus Legniczensis ad communem hominum presencium serie deuenire volumus nocionem, quod de mera nostre liberalitatis munificencia fidelium nostrorum procerum prelibato consilio ad profectum et augmentum ciuitatis nostre Legnicz necnon propter bonam ejusdem ciuitatis antiquitatem damus, tradimus et concedimus ciuibus nostris ibidem omnibus et singulis extra ciuitatem aut intra ciuitatem mansionem habentibus et ad vnionem ac gremium ipsius jamdicte ciuitatis pertinentibus, omnes libertates et gracias ac jura quelibet tam perpetuas quam temporales ipsis generaliter aut specialiter a nostris progenitoribus, a duce Bolezlao patre karissimo et a nobis datas, traditas et concessas, easdem libertates, gracias et jura ratificantes, laudantes, approbantes et presentis scripti patrocinio confirmantes, promittentesque bona fide et sine dolo quolibet, prelibatos ciues nostros omnes et singulos tam pauperes quam diuites, ipsamque ciuitatem nostram Legnicz supradictam circa omnes libertates, gracias ac jura quelibet preexpressas, quas ipsi pro se et ciuitate nostra prenotata litteris, privilegiis aut aliis demonstracionibus probare aut demonstrare poterunt, inuiolabiliter dimittere, firmiter conseruare et fideliter confouere. Harum sub nostro sigillo testimonio literarum. Datum Legnicz in vigilia beati Thome apostoli, anno domini millesimo trecentesimo quadragesimo quinto, presentibus fidelibus nostris Steffano de Parchwicz, Mirsano ejus filio, Heinrico de Landiscron, Gawino Abscacz, Johanne de Prewticz militibus, Gunczlino de Kewsburg et Thammone de Calkruith, nostro prothonotario, qui presentes habuit in commisso.

O. d. St. L. No. 61, das kleine Wappensiegel an grüner und rother Schnur. — Bitschens Privilegb. CXCIIIb.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866